قصيدة الشمري في الروقة من عتيبة الهيلا

بسم الله الرحمن الرحيم

هذه القصيده للشاعر الشيخ / وبران بن عليق بن مشرف الكتفاء الشمري حايل إمارة العدوة القصيدة هدية لقبايل الروقة من عتيبة الهيلا ويقول فيها :-

يـقــول مـــن عـبــر بـزيـنـات الأمــثــال..........وزاهـــي الــقــوافــي جايبـيـنـه جــزيـلــه

مـن جـاش أديـبٍ ينظـم الشعـر بالحـال.........اّخــــذ جـزيــل الـقـاف وأرمــــي هــزيــلـه

الفكـر يحـضـر والحـبـر فوقـهـن ســـال..........والــقـــاف مــــازونٍ عــلــى مــــا يــبـيـلـه

مــثـــايـــلٍ مــاولــفــوهــن الأنــــــذال..........ولا نـقـلـوهــن مــدركــيــن الــفــشــيــلــه

شاقـن لنظـم الشعـر ماضـيـن الأفعـال..........يـــــوم الــزيـــاره لـلــديــار الــجــمــيــلــه

يـوم الخميـس اثنيـن وعشريـن شـوال..........جيـنـا الـرجــال الـلــي عـلـومـه نـبـــيـــلـه

أولاد ( روق ) الـي عـريـبـيـن وثـــقــال..........قـبـيــلــةٍ يــــــا حـــــــي والله قــبـــيــلــه

أولاد ( روق ) اللي لهم صيت وفـــعـال..........أهــل السـيـوف المــرهــفــات الـصـقـيـلـه

وأهــل ابـيــوتٍ راسـيــه كـنـهـا جـبــال..........عــــز الـرفـيــق ومـــكـرمـيـــنٍ نــزيـــلـــه

ذبـاحــة الـحـايــل كـريـمـيـن الأشـبــال..........مـتـوارثـيـن الـطـيــب نــعـــم الــقــبــيــلـه

شرهاتهم مـا هـي على جمعـت المـال..........فـــوق الـصـحـون يقـلـطـون الـجــلــيــلـــه

كبـار الصيـانـا والسـمــن فوقـهـا ســال...........الــلابــه الــلــي يـذبــحــون الــمــحــيــلـه

وبيـوتـهـم لـضـيـف مـــزبــن ومــدهــال..........وديــارهـــم كـــــم واحــــــدٍ يــلـتــجــيـلـه

لــو ننشد التاريـخ ونــشــوف وش قــال...........يـشـهـد لـهــم تــاريــخ نــجـــدٍ وجــيــلـــه

تـاريـخهــم واضـح علـى راس مـا طــال..........تـاريـخــهــم بـــيـــن وكــــــلٍ حــكــيـــلــه

يــومٍ عــلـى طــلال مــا يـبـهـج الـحــال..........ثــار الـدخـن مــن حــر صـلــو الـفــتـيــلــه

زادوا عـلـى الهـقـوات يــوم أدبـر الـفـال..........يــــوم الـحـرايــب والــعــدو تـرتـــكـــيــلـه

ميزانـهـم يـرجـح عـلــى عــايــلٍ عـــال...........وحـريـبـهــم يـــــوم الــــقــــا عــزتـيــلــه

قبيـلـة (ن) ماطـاوعـوا شـــور عـــــذال...........قــومٍ عـلـى الـحـراب تـشـفـي غـلــيــلـه

رجـالــهــم يـنــطــح ثـلاثــيــن رجـــــال...........وخـيـالـهـم يـنـطــح جــمــوعٍ وخــيــــلـــه

لـلــزيــن زيـنــيــنٍ ولـلــضــد جـــهـــال...........عـوق الخصـيـم إلـيـا بــدا مـنـه عـيـــلــــه

قــومٍ يعـرفـه عـاقـل الـنـاس والـضــال..........سـقــم الـحـريـب ومقـحـمـيـن الــدبــيــلـه

يـشـدون سـيـلٍ يـضـرب الـجال للـجـال..........والـلــي بـوجــه الـسـيـل لازم يــشـــيـلـه

ودخيـلـهـم يـلـقــا الـمـعـزه مــهــو ذال..........وعـــزالله إنــــه داخــــل بــــه دخــيــلـــه

وصديقهـم لا مـن نشـدتـه عــن الـحـال...........يـقـيــن مــــا يـعـتــاض فـيـهــم بــديــلـــه

وصديـقـهـم عـنــه المحـامـيـل تـنـشال..........تـنـشــال لــــو إن الـمـحـامــل ثـقـيــلـــــه

وعــدوهـــم يـسـقــونــه الـــمــر وذلال..........بـالـلــيــل يــســهــر مـاتـهــنــا بــلــيــلــه

وعـدوهــم يــــذوق تـسـعـيـن غــربــال..........خــلــوا عــلــى كــبــده حــــر ومـلـيـلـــه

وعـدوهـم لـوهـو مــن الجـيـش جـمـال..........بالـمـعـركـه خــلــوه يــطــرق شـلـيــلـــه

يردون حوض الموت جسريــن الإقـبــال..........فـرسـان لا ركـبــوا ظـهــور الأصــــيـــلـــه

صـولاتــهــم غـدابــهــا كـــــم رجــــــال..........ويـــا ويـــل رجـــالٍ تــعــرض سـبـيــلــــه

وكـم مـن عقيـدٍ وســدو راســه الـجـال...........وشـيــوخ راحــــو بـالـمـعـارك قـتـيـلــــــه

ولـــو أبـاعــد افعـولـهـم مــالــهـا تــــال...........يصعـب عـلـي اعداعـهـا مــن حصيـلـــــه

يستاهـلـون الـمـدح عـربـيـن الأنـســال...........نـسـل الـرجـال الـلـي عـلـوا بالطويـلـــــه

شـيـن لـشـوفـه زاد مـدحـي بـالأقــوال..........والـقــول عـقــب الـفـعـل أكـبــر دلـيـلــــه

وجعـل الخيـال اللـي نشـا فوقـه اخيال...........والغيـث يمـطـر مــن حـقـوق المخيـلـــــه

عـلـى نـفـي امــع الـقــراره والاجـبــال...........وتسـيـل كـــل اشعـابـهـا مـــن مســيلــه

حـيــث إنـهــا دار البـطـولــه والأبـطــال............ديـــار الـكــرم والـطـيـب لـلــي يجـيـلـــه

دار لـهــم حاميـنـهـا مـــاـض الأجــيــال...........مــن دونـهـا تـرخـص عـمــارٍ طـويـلـــــــه

يقـولـهـا الـلــي مـــا تـغـيـــر ولا مــــال...........قـــول الحـقـيـقـه والـصـراحــه يـبـيـلــــه

وصــلاة ربــي عــد مــا واديـــن ســـال............وعـــداد بـــراقٍ بــــرق فــــي مـخـيــلـه

علـى الـذي سـن الفرايــض والأعـمـال............نـبـيــنــا الـمــخــتــار راع الـفـضـيــلـــــه